Karta rehta hoon mein, har dum yahi baatein
tere intezaar me lagta hai, ab katengi meri raatein
jab andhere sataayenge aur teri yaad dilaayenge
mein jalte chiraagon ki lau me guzaar dunga sab yaadein
Na kavita hai, na gazal hai mere paas
lekin chahoon har dam, bas hum dono ka saath
mere sangh rehna, tu hai meri zindagi ki saans
na hona tu juda, bhula na paaunga tujhe mere yaar
Kaash jo kuch bhi hua wo na hua hota
kaash jo na keh paaya, wo waqt rehte keh diya hota
to shaayad ye gumnaami ke andhere na hote
aur hum ek din shaayad ek doosre ki baahon me hote
Ek pal ke liye bhool jaao jo kuch bhi hua
ye pal jo abhi hain yahaan, usko jee len zaraa
ye sach to hai ki na chahte hue bhi haath aayegi mere sirf maayusi
lekin isi bhulaawe me kam se kam ye andheri raat to kat jaayegi
Likhne waale ne bhi jaane kya soch kar likh diya ye sab mere naseeb me
agar milun usse kabhi, to poochhunga, kya yehi sab hai mere liye
kab tak zindagi k kashti is bhavsaagar ki lehron se joojhti rahegi
kya mere haq ki khushi ki ek roshni bhi nahi aayegi
Apni zindagi ke aakhri saans leti hui mombatti ki bhujti lau hoon mein
bas bhujhne ka intezaar hai, ise khushi samjhoon ya badnaseebi, ye nahi pata!
- Devesh ‘the devilpoet’ Joshi
